Moskvanın mərkəzində futbol üzrə dünya çempionatının final hissəsinin püşkatma mərasimi ilə əlaqədar nəqliyyatın hərəkəti məhdudlaşdırılıb. Bu barədə Autonews.ru-ya Nəqliyyatın Təşkili Mərkəzindən (TsODD) məlumat verilib.
Beynəlxalq təşkilatların keçidini təmin etmək üçün nəzərdə tutulan əsas hərəkət məhdudiyyətləri şəhərin mərkəzi hissəsində saat 14:00-dan başlayacaq. Belə ki, günün sonuna qədər Kutuzovski prospekti, Novı Arbat, eləcə də Taras Şevçenko sahilində nəqliyyatın hərəkəti məhdudlaşdırılacaq.
Gözlənildiyi kimi, bununla əlaqədar olaraq paytaxtın mərkəzi hissəsində, eləcə də Bağ və Üçüncü Nəqliyyat Dairələrində nəqliyyatın hərəkəti xeyli çətinləşəcək. Bundan başqa, hava limanlarına gedən magistral yollarda da çətinliklər müşahidə oluna bilər.
“Sürücülərdən xahiş edirik ki, şəhər ətrafında hərəkət edərkən şəxsi avtomobildən istifadə etməkdən çəkinsinlər. Bundan əlavə, lütfən, şəhərin mərkəzi hissəsindən marşrut çəkməyin — bu, səfəri daha proqnozlaşdırılan edəcək. Şəhər nəqliyyatı normal işləyir”, — TsODD qeyd edib.
Mənbə
